Suðuroyar Sparikassi er eisini høvuðsstuðul hjá SuSvim næstu 3 árini.

SuSvim og Suðuroyar Sparikassi hava gjørt nýggjan stuðulssáttmála, ið er galdandi fyri tey næstu 3 árini. Suðuroyar Sparikassi hevur verið høvuðsstuðul hjá SuSvim seinastu nógvu árini, og eru okur í SuSvim sera takksom fyri tann vælvilja, ið Sparikassin hevur veitt felagnum. Tað er av stórum týdningi, at okur kunnu hava ein lokalan sparikassa, at verða høvuðsstuðul hjá einum felags ítróttarfelag í oynni. Okur í SuSvim gleða okum til framhaldandi gott samstarv.

16 metra kapping á langgeil


Í vikuskiftinum skipaðu vit fyri stórari bólkakapping í Páls Høll. Hetta var ein
kapping fyri teir yngru svimjararnir, og var kappingin deild upp í tveir partar.
Fyrrapartin leygarmorgunin svumu bólkur 1 og 2 gentur og dreingir. Hetta eru gentur,
ið eru 9 ár og yngri, og dreingir, ið eru 10 ár og yngri. Seinnapartin var kapping fyri
bólk 3 og 4, ið eru gentur, ið eru 13 ár og yngri, og dreingir, ið eru 14 ár og yngri.
Tað serliga við hesi kapping var, at hon eftir ætlan skuldi verða í svimjihylinum á
Tvøroyri, men vegna korona tilmælir lat hetta seg ikki gera, tí valdu vit at halda
kappingina Páls Høll, og svimja breiddina, ið er 16 metrar, ístaðin fyri longdina.
Kappast varð á teinunum 16m, 33m, 50m og 66m.
Akkurát hesir aldurbólkar, hava verið hart raktir av korona tilmælunum, tí teir plagdu
at kappast í teimum smærru svimjihylunum. Hetta hevur ikki verið loyvt tað seinasta
árið, og tí er hetta bert onnur kappingin hjá teimum hetta kappingarárið.
Hetta merktist eisini aftur á tilmeldingunum, at svimjararnir hava glett seg at sleppa
at kappast aftur, og ikki færri enn 115 svimjarar høvdu meldað til kappingina.
Hjá nógvum av okkara svimjarum, var hetta fyrstu ferð tey luttóku í einari
svimjikapping, og kláraðu tey seg sera væl.
Hetta er fyrstu ferð, at ein stuttbana kapping verður hildin í langhylinum, men ikki
seinastu ferð, tí kappingin eydnaðist sera væl.

Fleiri myndir síggjast á myndasavninum.


Úrslitalistin sæst niðanfyri.

SuSvim-stevna 6. mars 2021, fyri bólk 1 til 4.

Svimjikapping fyri tey yngru, verður í Pálshøll tann 6 mars, hetta er ein kapping fyri teir yngstu aldurs bólkanar 1 til 4. Hendan kappingin verður vanliga hildin í svimjihøllina á Tvøroyri, men vegna korona, so er ikki møguligt at halda tilmælini frá mynduleikinum. Tí er kappingin flutt í Pálshøll.

Orsakað av at tað eru so nógvar tilmeldingar , heili 115, mugu vit halda tilmælini so gott, sum tað letur seg gera.Tí kunnu tey, ið skulu svimja tann seinna partin, ikki sleppa inn í høllina, fyrr enn at hini eru liðug at svimja. Upphiting til seinna partin er kl 12:30, so tað skuldi gingið

Her eru startlistarnir:

Leygarmorgun.

Leygardag.

Bestu eydnu øll somul.

Stuðulsavtalað við Vágs Litbúð

Vágs Litbúð, hevur skrivað stuðilsavtalu við Susvim tey komandi kappingarárini. Tað er av sera stórum týdningi, at vit í Susvim fáa lokalar stuðlar, og eru vit í Susvim sera takksom fyri, at Vágs Litbúð sær týdningin av arbeiðinum, ið Susvim ger fyri ungdómin í allari oynni. Uttan hesar stuðlar er ómøguligt at menna hesi ungu dugnaligu svimjarar, ið vónandi kunnu seta Suðuroynna og Føroyar á heimskortið einaferð í framtíðini.

Susvim takkar hjartaliga Vágs Litbúð við Erhard og Harriet Joensen, fyri stuðilin.

SuSvim Open 10. – 11. apríl 2021 nú góðkend OL-úttøkustevna

Altjóða svimjisambandið FINA hevur nú góðkent svimjistevnuna “SuSvim Open Apríl 2021” sum offisiella úttøkustevnu til OL í Tokyo 2021, ið er stevna sum Suðuroyar Svimjifelag skipar fyri í Páls Høll í Vági hin 10. og 11. apríl 2021. Harvið kunnu føroyskir svimjarar vónandi fyri fyrstu ferð nakrantíð royna eftir OL-úttøku her heima í Føroyum, nú danska úttøkuskipanin er broytt frá at kravtíðirnar skulu klárast á ávísum stevnum, til heldur at skula klárast innanfyri eitt kravtíðarskeið.

SuSvim Open April 2021 góðkend OL-úttøkustevna

Hetta er arbeiði sum byrjaði líka so skjótt sum vit frættu um ætlaðu broyting hjá dønum, at nú brúka eitt kravtíðarskeið frá 1. februar til 23. mai 2021, heldur enn hina skipanina har kravtíðirnar skuldu klárast á annaðhvørt Danish Open ella Swim Open Stockholm.

Mest upplagda stevna var SuSvim Open sum longu stóð í kalendaranum til hin 10. og 11. apríl 2021, og vóru suðuroyingar og neyðugi altjóða yvirdómari tíbetur skjót at siga ja til uppgávuna, so at vit kundu framleiða neyðuga tilfar til at kunna søkja um loyvi frá FINA, til at eisini hendan stevna kundi góðkennast sum úttøkustevnu til OL, eins og FM á langgeil í 2019 og 2020.

Tað er jú netupp so, at FINA nú fleiri ferðir hevur góðkent svimjistevnur í Vági sum úttøkustevnu til OL, uttan at føroyingar fyri tað hava kunnað brúkt tað til nakað. Hetta tí at danir áleggja eyka krøv omaná krøvini frá FINA, um at harðari kravtíðir skulu klárast á ávísum stevnum, og annað.

Dansk Olympisk Komite er kunnað um hesa spildurnýggju støðu, og vóna vit sjálvsagt at eisini tey góðtaka hendan møguleika, til í øllum førum føroyingar at kunna royna eftir OL-úttøku í Føroyum.

Ein góður dagur fyri føroyska svimjing, skrivar Rókur í Jákupsstovu, formaður í Svimjisambandi Føroya á svimjing.com.