Balazs Sasvari nýggjur høvuðsvenjari hjá Susvim

Balazs Sasvari og Marlon Kjærbo

Susvim hevur fingið nýggjan høvuðsvenjara, tað er 35 ára gamli ungarin Balasz Sasvari. Vit hava biðið hann siga nøkur orð um seg sjálvan.

Eg eri uppvaksin í Ungarn, har øll í familjuni svumu. Báðir beiggjarnir hjá mær svumu, og pápi okkara var høvuðs venjari hjá okkara felag, og tað er hann framvegis. Eg svam kapp í 18 ár, eg byrjaði sum 6 ára gamal, og eg svam við sama felag øll ár. Eg byrjaði at svimja Open Water kappingar, tá ið eg var 16 ára gamal, eg fann útav, at eg var betur til Open water enn í svimjihylinum. Tá eg gekk á universitetinum fokuseraði eg á Open Water svimjininga, og tá bleiv eg úttikin til landsliðið. Eg havi luttikið í tveimum EM Open Water, eg havi eisini verið við til fleiri World Cups, og Len Cups. Eg havi verið Ungarskur meistari fýra ferðir.

Ígjøgnum hesu árini bleiv eg útbúgvin sum Ítróttalærari (Bachelor), og eg tók eisini útbúgving sum svimjilærari og venjari. Aftaná Universitetið byrjaði eg at arbeiða í heimbygdini sum fulltíðar svimjilærari og venjari. Í 2009 fekk eg eitt tilboð um at sleppa til Egyptalands og byrja mína karrieru sum venjari. Eftir eitt ár í Egyptalandi flutti eg til Onglands, og skjótt aftaná gjørdist eg høvuðsvenjari fyri fyrstuferð. Eg búði í Onglandi í 9 ár. Í hesum tíðarskeiði var eg høvuðsvenjari hjá tveimum feløgum. Eg havi vant nógvar svimjarar til regionalt og nationalt støði, og mínir bestu svimjarar hava vunnið landsmedaljur og svomið á altjóða støði.

Eg helt áfram við mínari útbúgving í Onglandi, har eg fekk prógv sum ein stig 3 svimjivenjari, og eisini sum Fitness intruktør.

Aftaná ein langan stegð í Onglandi, helt eg, at eg trongdi til eina broyting, og tí tók eg av hesum sera spennandi tilboði um at venja SuSvim. Eg vóni, at eg fari at megna at fáa SuSvim upp á tað næsta støði!

Susvim ynskir Balasz vælkomnum og bestu ynskir framyvir.

Susvim til Køge Open

Susvim ferðaliðið

Susvim til Køge-open 

Í dag fara 14 svimjarar hjá Susvim til Danmarkar. Tey skulu luttaka í svimjikapping, ið verður í Køge í vikusiftinum. Svimjikappingin byrjar í morgin fyrrapartin, og verða tað svomnar innleiðandi kappingar um morgunin, og finalurnar eru seinnapartin. 

Svimjarnir hjá Susvim, ið luttaka í kappingini eru í aldrinum frá 8 – 14 ár. 

Svimjarnir, ið eru við eru:        

Jórun Winther (2011) 

Eva Debess (2010) 

  Diana Bech (2010) 

  Bjarta í Lágabø (2009) 

  Lilja Winther (2009) 

  Silja Bech (2008) 

  Emma Debes (2010) 

  Sissal Rógvadóttir (2010) 

  Talita Johannesen (2010)  

  Bjarti Ludvig (2006) 

  Andreas Debess (2006) 

  Jóannes Clementsen (2007) 

  Teitur Winther (2005) 

  Jónathan Sørensen (2006) 

Venjarar á ferðini eru: Diana Müller og Róland Toftum 

Ferðaleiðari er: Marlon Kjærbo 

Susvim ynskir svimjarunum góða eydnu. 

Móttøka fyri Róland í Páls Høll

Týskvøldið skipaði Vágs kommuna og Susvim fyri móttøku av Róland í Páls Høll

Róland vann sum kunnugt 2 gullmerkir og eina bronsu við Oyggjaleikunum á Gibraltar, har Róland eisini setti tvey føroysk met.

Hetta var triðu oyggjaleikinar, ið Róland hevur lutikið á, fyrstu ferð var á Jersey 2015, síðan Gotland 2017 og nú á Gibraltar 2019. Næstu oyggjaleikir verða á Guernsey 2021, og vóna vit, at Róland heldur á at venja og heilsan vil tað so, at hann aftur tá umboðar Føroyar.

Marlon, formaður í Susvim, Dennis Holm, borgarstjórið fyri Vágs kommunu, Sørin Bruhn, stjórið á Suðuroyar Sparikassa og Jens Petur Brattalíð, leiðari fyri Páls Høll, fluttu framm røðu fyri Róland. Eisini fekk Róland gávu frá Vágs kommunu og Suðuroyar Sparikassa, hartil blómutyssið frá Vágs kommunu og Páls Høll.

Susvim á venjingarlegu

1. lið hjá Susvim hevur júst verið á venjingarlegu. Susvim hevur nakrar ferðir havt eina venjingarlegu, tá í svimjiárið byrjar aftur í august. Hesaferð var venjingarlegan í Lissabon, Portugal. Hendan venjingarlegan var eitt sindur annarleiðis, av tí at fyrsti partur var meira sum ein vælfortjent feria hjá okkara svimjarum. Flestu teirra fóru longu avstað beint eftir oyggjaleikinir á Gibraltar. Restin av svimjarunum, saman við nøkrum foreldrum, fóru úr Føroyum 1 august. Ferðalagi kom heim aftur til Føroya týsdagin 13. august.

Ferðaleiðarar á ferðini vóru Anita og Atli Vestergård.

OYL2019 á Gibraltar

Oyggjaleikinar 2019 hava júst verið á Gibraltar og einasta umboð fyri Susvim var Róland Toftum. Tað gekk frammúr gott hjá Róland. Róland legði út við at vinna gull í 100m bringu, við tíðini 1.02.38, hetta var eisini føroyskt met, eitt met í Pál Joensen átti, Pál setti hetta metið á Oygglaleikunum á Jersey tann 29 juni í 2015. Dagin eftir gjørdi so Róland tað aftur, við at vinna gull í 50m bringu og aftur hesaferð við at seta føroyskt met, við tíðini 28.38. Róland átti sjálvur gamla metið, við tíðini 28.55, frá 28 okt. 2018. Triða dagin var tað so 50m firvald á skránni, her megnaði Róland at vinna bronsu, við tíðini 24.96, ið bara er 26/100 frá føroyska metinum. Sostatt gekk tað frammúr gott hjá Róland á OYL2019.

Vit, ið kenna Róland, vita at hann er plágaður av sjúku, men tíðbetur hevur Róland ein vilja av stáli. Eg vil viðfesta nøkur orð, ið ein vágbingur, sum var á Gibraltar, samstundis, ið oyggjaleikinir vóru, skrivaði um Róland.

“Tad var ein rørandi løta fyri meg tá Róland vann 100 metrar bringusvimjing á Gibraltar íkvøld. Um nakar hevur víst ein serligan vilja, sýnt eitt serligt árræði og kempa ímótir øllum oddsum, so er tað Róland, uttan harvið at taka nakað frá nøkrum av okkara sera dugnaliga svimji ungdómi, ið øll vístu framúr evnir og vilja í dag.

Tú ert veruliga ein fyrimynd fyri okkara ungdóm tá ið tað snýr seg um at uppnáa mál, ið ein setur sær í lívinum, sjálvt um viðurskiftini ikki laga seg sum vit kundu ynskt.”

Vit gleða okkum longu til OYL2021 á Guernsey

Hjartaliga tillukku Róland.